Hindi business development strategy – Kaise ready kare?

March 18, 2018 | By Anirudh | Filed in: Business tips.

Hindi business development strategy tips – Kuch business ke alag alag forms hai like B2C, B2B, etc. jinhe samajhna bahut jaruri hai kyuki ye basic business concepts hai.

B2B yaani Business2Business; iska sidha sidha matlab hai 2 business organizations ke beech ka transaction. Ab ye transaction products ka bhi ho sakta hai ya phir financial bhi ho sakta hai. Matlab jo bhi deal hogi wo 2 firms ke beech hogi. Generally jyadatar B2B concepts dekhne ko milte hai.

Ab chaliye samajhte hai B2C ke baare me. Iska matlab hai Business2Customers ya phir kahi-kahi ise Business2Consumers bhi bola jata hai. Isme ek firm direct customers ya consumers se deal karti hai. For example, flipkart.com, amazon.com, ebay.com, etc. jo direct consumer/customers se deal karti hai.

Business development ke liye inn 2 concepts ko samajhna bahut jaruri hai!

Hindi Business development strategy aur planning

Jyadatar business me hota ya hai ki hum ek strategy plan karte hai phir uus par action lete hai, turnover bhi hota hai. Then phir kuch samay baad, jab nayi requirement aati hai tab phir uusi strategy ko apply karte hai.

Lekin ye process galat hai, kyuki jab hum baat kar rahe hai business development ki, tou ye jaruri hai ki hum har samay kuch naya implement kare. B2B business ka yahi goal hona chahiye tabhi asal me development hota hai.

For example ek new mobile company XYZ launch hui hai aur wo mobile production kar rahi hai aur sell kar rahi hai. Aur wo yehi same process saalo saal karti hai.

Lekin phir kuch samay baad uuse pata chalta hai ki wo jis handset ka production kar rahi hai uska ab market me demand nahi raha. Phir dhire dhire uus company ke saare production stock waste hote hai aur wo company loss me chale jaati hai.

For example ORKUT.COM jo kisi zamane me sabse badi social networking site thhi. Lekin uuse pata hii nahi chala ki kab uuski jagah dhire dhire facebook.com ne le li. Aur phir ekdum se ORKUT.COM khatam!

Reason hai orkut ne kabhi apne business strategy par dhyan nahi diya. Wo sirf service dene me busy rahi.

Tou chaliye jaante hai kaise ek overall business development strategy par kaam kiya jata hai jo kisi bhi business ko hamesha ke liye profit me rakhti hai.

Customer Feedback lena jaruri hai-

Bina customer feedback ya survey ke kisi business strategy ko plan karna अँधेरे में तीर चलाने जैसा है| For example aapne 6 months pehle jo business strategies apply kiye thhe jaruri nahi ki customers ke requirements/demands aaj bhi waise hii rahe.

# Ab dekhiye naa HMT ki घड़िया purii tarah se market se khatam ho gayi hai, aur abhi fastrack, Titan jaisi companies market me hai

# Kabhi aapne ye socha hai ki Titan company pehle sirf घड़िया sell kiya karti thhi lekin abhi usne apna business diversified kiya hai Titan eye glasses [Titan ne apne business ko expand kiya hai]

# Aakhir facebook me aisa kya thha jo uusne google ki company ORKUT ko khatam kar diya

Kyuki inn sab ne apne business ke sath ‘customer feedback’ ko bhi importance diya. Waise tou facebook kaafi pehle USA me launch ho chuka thha.

 

Feedback lene ka sabse behtarin tarika hai ek survey team recruit karna jo puree market ko analysis kare. Ab wo team feedback events, conferences ya phir trade shows par kaam karegi aur market data collect karegi.

Market analysis-

Shayad aap bhi iis baat se sehmat ho ki ek company ke MD se jyada ahemiyat uus company ka marketing department rakhta hai. Yahi wo department hai jo aapke company ke brand ko market tak pahuchata hai.

Marketing department ek aisa department hai jo puree company ko raato raat famous bana sakta hai. Ek company ke marketing department ko uus company ka back-bone kaha jata hai.

Inn marketing department me experienced marketing-analysts hote hai jo marketing decisions lete hai. Ek marketing analyst ke galat decision par agar company-authority koi business strategy plan karti hai tou shayad company loss me bhi jaa sakti hai.

Matlab market analysis ka ye puraa process ek successful business strategy ko develop karne me aham bhoomika nibhati hai. Isliye har ek company high packages par marketing department ke employees recruit karti hai.

Goals vs. milestones-

Goals future hai lekin milestones ko future kehna sahi nahi hoga. Milestones kuch aise steps hai jinpar hume commitment karna padta hai taaki destination puraa ho sakee. Agar ek company ke milestones ki baat ki jaaye tou usme bahut si cheeze aati hai like-

# iis saal ka turnover

# iis saal ka profit margin

# iis saal ka total company production

# total sales, total new clients

Ye chhote chhote milestones hii kisi business/company ko goal tak lead karte hai. Chahe B2B ho ya B2C; har business concepts me goals ko निर्धारित karna bahut jaruri hai, kyuki ho sakta hai aap jis product par kaam kar rahe hai thik uusi product par 10 aur minds kaam kar rahe hai.

Diversified-

Iis term ka sidha matlab hai विविधता! Ab jaise ki olx and quikr ki baat hii kar lijiye. Dono hii kaafi popular Indian classified sites hai. Lekin shayad aapko pata ho ki OLX ek international company hai aur jaha QUIKR ek Indian. Inn classified sites ka main earning advertisement fees and revenues se hota hai.

Beech me OLX ne apna puraa market चारो taraf faila diya thha jis wajah se QUIKR ke rank aur revenues me कटौती aayi thhi. Lekin isi time ko utilize karte hue QUIKR ne apna puraa business panel diversify kiya aur 2 bade famous business-departments banaye-

  • Quikr jobs
  • Quikr cars

Matlab same business concept ko thoda sa extend kiya. Aur iska positive response dekhne ko bhi mila.

Thik usi tarah Microsoft ne apna business Xbox playstation ki taraf diversify kiya. Micromax ne bhi LED tv ki taraf apna रुख मोड़ा है| Lenovo jo pehle Laptop banati thhi ab wo mobile world me पूरी तरह से छा गयी है| Aur ye saare apne domain me success paa rahe hai.

Matlab saaf hai diversification bhi business development strategy kaa भाग हो सकता है|

Aapke competitors-

B2B me competitors tou honge hii! Par kahi aisa tou nahi ki aapke sales ke decrease hone ka श्रेय aapke competitors ko jaata hai! Agar aisa hai tou ise jald se jald check kare! Apne competitors ko pehchan-na aur uus par analysis karna bhi business development strategy kaa ek bhaag hai.

Ye jaruri hai ki aap apne competitors ko jaane; overall aap uun areas ko find out kar paayenge jispar shayad aapko abhi kaam karna hai; aur iske sath sath aap apne brand ko apne competitors se alag aur bada bana paayenge.

Overall agar dekha jaaye tou business strategy ko develop karna ek well planned process hai jisme ek company ke low level se lekar upper level tak sabka योगदान रहता है|


Hum umeed karte hai ki aaj ke hindi business development strategies aapko pasand aaye honge, aur ye aapke business development me aapki purii tarah se help karenge.

# Business development strategy jo hume APPLE company se sikhne ko milta hai – READ HERE

Related Post


Comments are closed here.