10 Best CRM Software – Manage your Business & Customers efficiently

By | August 14, 2018

Best CRM software : CRM ka matlab hota hai customer relationship management. Matlab aap agar ek business run karte hai aur aapke paas kuch customers hai; ab aap unke sath kaisa relationship maintain rakhte hai; isi ko CRM kehte hai. Ab yaha relationship ka matlab !!

Jaise ki-

  • Aapke puraane existing customers ka database maintain rakhna
  • Unhone aap se kya kharida thha, kitni quantity me kharida thha, kitne price me kharida thha, kab kharida thha
  • Jab kharida thha tab aapke customer ke preferences, choices kya-kya thhe
  • Aapke puraane existing customer ko aane waale future me aap aur kaun se products/services sell kar sakte ho
  • Customers ke saare contact details
  • etc. etc.

 

Overall agar kaha jaaye tou CRM ke jariye aap 3 cheezo par kaam kar sakte ho-

  • Aapke existing customers ke sath ek good-will relationship maintain kar sakte ho
  • Aapke jo customers/clients hath se nikal gaye hai unhe wapis apne products sell kar sakte ho
  • Market se new customers bhi laa sakte ho
best CRM software list

best CRM software

 

CRM me alag alag customers ke database/information ko maintain kiya jata hai jis se unke preference, choices, target group aur taste ka pata chal jata hai. Iss se business karne me asaani hoti hai aur marketing/promotion cost ki bhi bachat hoti hai.

CRM ka ek aur prayog bhi kaafi kaam ka hai! Aapke jo existing customers hai, wo jab aapke paas servicing ya phir renewal ke liye aate hai tou aap jhat se ek click ke sath apne customer ke database ko nikaal sakte ho. Iss se aapko baar baar apne customers ke choices ko puchne ki jarurat nahi padti aur aapka customer bhi khush rehta hai.

 

Sirf customers tak hii nahi balki aaj kal CRM ke jariye ek office ya business firm ke employees database ko bhi maintain kiya jata hai like office timing, leave records, salary statements, etc.

Gaye wo din jab inn records ko maintain rakhne ke liye register entry ya file entry hoti thii aur kisi ek particular customer/employee ke details ko nikaalne ke liye puraa register le kar baithna padta thha. CRM ki madad se aaj kal sirf ek click ke sath aap saare records nikaal sakte ho.

 

What is CRM software?

Ab pehle ke zamane me CRM man-to-man (manually) hota thha, aur kahi-kahi aaj bhi hota hai. For example, agar aap kisi private bank me jaate hai tou aapko waha ek CRM [customer relationship manager] ka cabin jarur milega, jaha par aapke saare queries solve kiye jaayenge.

Lekin online business ki duniya me ye saare kaam ek CRM software karta hai!

Chaliye ek example se samajhte hai-

For example, aapko apne bank khate me kuch gadbadi lag rahi hai isliye aap apne bank me jaate hai. Waha aapko bataya jata hai ki aap customer relationship manager se milee.

Aap unke paas jaate hai aur apne saare details dete hai like Name, Date of birth, A/C no., Nominee details, etc. Phir CRM manager aapke records ko tally karta hai aur problem solve karta hai.

Thik online ki duniya me bhi isi tarah se kam hota hai. Sochiye aapne kisi online company se kuch samaan kharida aur online payment kiya. Ab aapke saare details ko wo company apne database me store karke rakhti hai like email id, phone number, invoice, item purchase details, etc.

In future jab bhi aapko koi problem hota hai tou aap uus company ko online details dete hai aur wo company aapke problems solve karti hai. Kuch companies aapko weekly emails bhi send karti hai aur apne new launch products ke baare me bhi batati hai. Kuch companies tou customer feedback form bhi fill up karati hai, jisme aapko feedback dena padta hai. Ye saara process CRM software ke jariye automated rehta hai.

Inka maksad rehta hai ki customer ke information aur database ko ek system me save karke rakhna, aur iss puree system ko CRM software kehte hai. Ek CRM software ko maintain karne ke liye aapko professional training ki jarurat bhi pad sakti hai ya phir aap kisi employee ko bhi hire kar sakte hai jo CRM specialist ho!

Tou chaliye iss article me main aapko batata hu internet ke kuch best CRM software kaun kaun se hai.

 

Best CRM software list

 

Relenta – visit here

Ye software basically email relationship management par kaam karti hai. Ye customers ke emails collect karti hai aur apne database me save rakhti hai. Dosto email marketing ko online business me kaafi effective mana gaya hai jis ki madad se ek company direct apne existing customers se jud sakti hai.

Email marketing ka ek chhota sa example –

Suppose kijiye aapne Android 6.0 (Marshmallow) 100 customers ko sell kiya. Email marketing ka pehla step hai selling ke dauraan apne customers ke emails collect karna.

Ab market me Android ka new version launch hua, like Android 7.0 Nougat and Android 8.0 Oreo. Ab aap chahte hai ki aapke unn 1000 customers tak iss information ko pahuchaya jaaye taaking aap unhe upselling kar sakee.

Ab aise me aapke paas already uun 1000 customers ke email id collect hai. Aapko bas uun tak ek information ko pahuchana hai ki ‘Market me Android 7.0 and 8.0 launch hua hai’.

Aapne ek mail taiyaar kiya, aur sirf 1 click ke sath uun 1000 customers tak chutkiyo me ye information pahucha diya. Email marketing software isi tarah se kaam karta hai. Ye aapke time aur paise, dono ki bachat karta hai. Pehle ke zamane me uun har customers ko ek ek karke phone kiya jata thha lekin aaj kal inn software ka madad liya jata hai.!!

Iss mamle me Relenta CRM ek achha option hai!

 

Zoho CRMvisit here

Shayad aapne iske baare me suna bhi ho. Ye kaafi popular CRM software hai jo large scale par chalne waale business me prayog kiya jata hai.

Aapko Zoho CRM ke sath marketing se lekar sales, customer support system, service, inventory management jaise features milte hai.

 

Cratiovisit here

Ye online aur cloud based CRM software hai. Iss software ke jariye aap alag alag type ke business ko handle kar sakte ho like –

  • Travel
  • Hotels
  • Health
  • Financial service
  • Real estate
  • Education

Aur sabse khaas baat hai ki ye ek Indian made CRM software hai!!

 

Sales forcevisit here

Ye bhi ek kaafi popular CRM software hai. Ye ek cloud based computing system par kaam karta hai. ‘Sales force’ ka headquarter California, U.S.A. me hai.

Iss software me khaas baat ye hai ki ye clients/customers ke sath sath office-employees management ke kaam bhi aata hai.

 

Chaos softwarevisit here

Ye CRM company 1992 se market me hai. Ye individual, micro aur medium scale business ke liye perfect hai. Isliye agar aap ek small business owner hai tou Chaos CRM aapke liye ek achha option rahega.

Ye market me ‘legal billing software’ jaise features ke liye bhi kaafi famous hai jo lawyers/advocates ki pehli pasand hai!!

 

Sugar CRMvisit here

Ye bhi ek USA, California based CRM software hai jo kaafi famous hai. Market me iske kaafi popular clients bhi reh chuke hai like-

  • IBM
  • HTC
  • AUDI
  • T mobile
  • Zurich

Ye CRM sales, service, marketing, IT technology aur management ke kaam aata hai.

 

Work booksvisit here

Ye saal 2017 ka ‘best selling CRM product’ reh chuka hai. Ye marketing, advertising se lekar invoice; sales generation, task management jaise kai business-operation ko successfully handle karta hai.

Ek aur khaas baat iss CRM software me ye hai ki ye 30 days tak FREE trial bhi offer karta hai, bina koi hidden charge ke!!

 

Team woxvisit here

Ye company management aur team collaboration ke liye best CRM hai. Ise company employees management ke liye bhi use kiya jata hai.

 

Infusion softvisit here

Ye small business owners ke liye perfect CRM solution hai. Iska use business, sales, email marketing, leads management, ecommerce store management jaise kaamo ke liye bhi kiya jata hai.

 

Vital blocksvisit here

Ye cloud computing system par based hai. Ye CRM aapke company ke sales, leads aur profit ko boost karne me aapki strategic madad kar sakti hai.

Ye CRM online software service aur quality management ko jyada priority deti hai. Ye CRM internet marketing, SEO, social media marketing, content marketing me expert hai. Matlab agar aapka business sirf Internet se juda hua hai aur aap ek achhe internet digital marketing CRM dhund rahe hai tou ‘Vital blocks’ ek achha option ho sakta hai.

 

Conclusion –

Hope this review will help you to choose the best CRM in the current market!!

 

# Kya aapko pata hai credit cards ke inn alag alag charges ke baare me – Read here