Best Password Managers – Keep all your a/c passwords secure in one platform

By | May 12, 2018

Best password managers – Shayad aap bahut saare online accounts handle karte hai like facebook, gmail, internet banking, other social sites, shopping sites, etc. Aur shayad inn sab accounts ke liye aapne ek simple aur common related password save rakha hai jo easily remember rahe. Lekin agar aap aisa kar rahe hai tou aap taklef me aa sakte hai.

Gaye wo zamane jab simple passwords se kaam chal jata thha. Aajkal koi bhi 10th standard ka baccha aapke accounts hack kar sakta hai. Ye hackers hacking se pehle ek script chalate hai jisme agar aapka number aaya tou aap taklef me pad sakte hai.

Tou kya hai upay? Ab iss se bachne ka sirf ek upay hai ki apne password ko strong banaya jaye like combination of letters, numbers, special characters. Aur har ek online accounts ke liye separate passwords!

Lekin inn sab ko yaad kaise rakha jaaye, ye bhi ek bada issue hai. Ab har ek account ke liye passwords yaad rakh pana zara mushkil hai. Aap copy me note down bhi nahi kar sakte!

Ab iska upay kya hai? The answer is ‘online password manager‘.

 

What is a online password manager?

Ye wo platform hai jaha aapke saare accounts ke passwords save rehte hai. Aap jaise hii koi new account banate hai aur password create karte hai, tou ye password manager aapko ek notification deta hai ‘to save your password for future use’.

Aap jitne bhi alag-alag passwords se online accounts banayenge (email, facebook, internet banking, shopping accounts, other financial accounts), ye password manager saare passwords ko ek platform par save rakhega. Aap easily storng password banakar unhe ek platform par save rakh sakte hai.

Next aap jab bhi apne online accounts par login karenge tou ye password manager aapko aapke passwords show kar dega. That’s simple! Aap easily apne account me login kar sakte hai.

Sirf, itna hii nahi balki agar aapka password weak hai tou ye password manager aapko strong password banane ke liye suggest karega.

Best Password Managers to keep secure all your online accounts

Best Password Managers to keep secure all your online accounts

Ye duplicate passwords ke baare me bhi aapko batayega, taaki aap apne har ek online account ke liye alag alag passwords banaye, taaki aapka account aur jyada secure rahe.

Ab sochiye aapne ek strong password banaya @#$4552ffGH@! . Ab ise yaad rakh pana bada mushkil hai, aur aap ise apne mobile phone par jaldi se type bhi nahi kar sakte. Aise issues ko solve karne ke liye hii inn password managers ko banaya gaya hai jo apne server me har kism ke password ko save kar sake aur aapko loging ke waqt suggest kar sake.

Inn password manager me ek aur khaas baat hai! Aap jab bhi koi online account banate hai tou aapse har baar form me details puche jate hai like name, address, email, phone, etc. Ab aapko har baar inhe new account banate waqt type karne ki jarurat nahi hai. Ab direct password manager me inhe ek baar save kar sakte hai. Next aap jab bhi koi new online account banayenge, ye saare details form me fill-up kar dega.

 

Tou chaliye aaj ke iss technology review me main apko bata deta hu internet ke best password managers jinki madad se aap iss pure task ko kar paayenge. Inme se kuch free hai aur kuch paid bhi hai!

Best Password managers list – Keep all your a/c password secure in one single platform

 

Dashlane – visit here

Ye ek kaafi popular online password manager hai jo sirf computer par hii nahi balki MAC, iOS aur Android par bhi kaam karta hai. Matlab ab aap computer ke sath sath mobile par bhi easily apne saare online accounts me login kar sakte hai. Ye aapke saare online accounts ke password ko ek dashboard me save rakhega. Aap jab bhi login karne jaayenge tou ye aapko aapka save kiya hua password suggest kar dega.

Dashlane me autofill feature hai jiski madad se aapko kabhi bhi strong password type karne ki jarurat nahi padegi.

Agar kabhi aapke account passwords ke sath koi hacker ched-chaad karta hai tou DASHLANE aapko turant notification bhej dega.

Better security ke liye DASHLANE aapko strong passwords ke liye suggestions bhi deta hai.

Ab aapko passwords ko note down karne ki bhi koi jarurat nahi hai. Aap pane DASHLANE ke account ko kahi bhi kabhi bhi khol sakte hai aur apne saare accounts ko access kar sakte hai.

Overall ye ek kaafi storng password manager hai! Waise tou ye free hai, lekin advanced options ke liye aap iska premium version bhi kharid sakte hai.

 

Keeper security – visit here

Keeper bhi ek kaafi popular password manager hai. Keeper password manager aapke liye strong password aur auto fill passwords generates karti hai.

Aapke har ek digital account ke liye ye world class password security provide karti hai. Aapne kis online account me login kiya hai, kitne baje kiya hai; aise har ek information aapko KEEPER manager ke dashboard me mill jaayega.

Keeper password manager business organization ke liye bhi kaafi helpful hai. Ab sochiye aap apne office ke ek common team ke sath ek common password share karna chahte hai, tou KEEPER aapko wo feature deta hai.

Keeper manager aapko aapke diye gaye password ke baare me bhi batayega ki wo kitna percent strong hai. Matlab ab aap asaani se apne har ke online account ke liye strong password bana sakte hai aur uun sabhi ko ek platform me save kar sakte hai.

Iska autofill feature aapko ek click ke sath apne account me login karne ka option deta hai. Ab aapko har baar uun strong passwords ko type karne ki koi jarurat nahi hai.

Ye computer ke sath sath mobile devices me bhi kaam karta hai.

 

Chaliye kuch aur password managers ke list main aapko batata hu-

Log me Once – visit here

Sticky password – visit here

Password boss – visit here

Last pass – visit here

 

Best password manager app for android-

Kaspersky password manager – download here

Keep pass 2 android – download here

Keep pass droid – download here

1 password – download here

aWallet password – download here


 

Hum umeed karte hai ki aaj ke baad se inn best password managers ki madad se aap apne online accounts ko aur jyada secure rakh paayenge. Ab aapko apne passwords ke baare me sochne ki ya phir yaad karke rakhne ki koi jarurat nahi hai.

Aap upar ke list me se kisi bhi ek password manager ke sath jaa sakte hai!

 

# Aapke android phone ke liye best backup apps – read here