Business Guide in Hindi- Present Job छोड़ कर Business start karne se pehle सोचे

March 18, 2018 | By Anirudh | Filed in: Business tips.

Aaj ka mera ye business guide unn logo ke liye hai jo apna present job छोड़ने ka plan kar rahe hai aur apna khud ka business start karne ka soch rahe hai. Dekhiye ye common hai! Previous kuch year ke survey se ye pata chala hai ki 35 %  aise job employees thhe jinho apne job ko chhor kar apna khud ka business suru kiya thha, aur wo aaj kamiyab hai.

Chaliye kuch examples lete hai-

1. Rohit shah ne IBM me 14 years kaam kiye. Phir unhone apna job quit kiya aur phir unhone banaya apna business empire www.gettingYouRich.com. Ye kuch bada chahte thhe.

2. Sanjay mucharla ne Facebook me kaam kiya hai. Iss se pehle wo Google me analyst thhe. Unhone apna job quit kiya aur ek NGO banaya www.projectKhel.org. Inka ye dream passion thha aur unhone uuse puraa kiya.

3. Khushboo agarwal ek CA charter accountant hai. Inhone apna job quit kiya aur phir inhone apna online startup company kholi www.TaxiClues.com.

Aise aapko bahut se examples milenge. Ab inhone apne jobs quit kiye, isme reasons bahut se ho sakte hai like-

  • Apna dream ya passion puraa karna
  • Apne present job se khush nahi hona
  • Ek stressful bina rok-tok ke life jeena
  • Social change lana, dusro ki help karna

Kya aap bhi aisa soch rahe hai?

Kya aap bhi aisa kuch plan kar rahe hai? Kya aap bhi apna present job chhorna chahte hai? Chahe reason koi bhi kyu naa ho!

Agar aap aisa kuch soch rahe hai tou mere iss business guide ko jarur padhe; aur apna present job chhorne se pehle inn points par vichar kare.

Jaruri nahi aap abhi action le, pehle inn points ko dekhe, prepare ho jaaye phir dhire dhire job chhorne ka plan kare!

Business guide in hindi- Things you should keep in mind before you quit your present job; to start your own business empire

Kya aap apne business idea ke sath comfortable hai?

Agar aap apna present job chhorne ka plan kar rahe hai matlab aapke mind ne business idea ka layout tou bana liya hoga!

Jaise ki aap ek BPO kholenge, ya phir ek fitness center, ya phir restaurant! Chahe koi bhi business idea ho; kya aap uus business idea ke sath comfortable hai?

Kya aap puri tarah se confident hai? Haa shayad thodi nervousness ho sakti hai! Common hai, aap itna bada decision jo lene jaa rahe hai!

Kya aapke paas skills hai?

Aap jis bhi business idea me utarne jaa rahe hai; uus se related aapke paas skills tou jarur honge? For example, agar aap apna khud ka “computer sales and services” ka business open karna chahte hai; tou aapke paas computer hardware ki knowledge tou jarur hogi!

Agar aisa nahi hai tou thoda aur soche. Shayad aapko business plan change karna padega. Kyuki aap chahe jis bhi business ko kholna chahte ho; uss se related basic skills hona bahut jaruri hai. Varna aap market me compete nahi kar paayoge!

Advantages aur dis advantages ke list banao-

Sabse pehle ek list banao jisme advantages aur dis advantages ko likho. For example-

# Present job chhorne se aapke personal/family life me kya problems aa sakti hai

# Aap jis bhi business me utarne jaa rahe ho usme profit kitne dino me start hoga

# Business ke liye finance kaha se aayega

# Business start karne se aapke kaun kaun se sapne puree honge

Aise basic questions ke sath apna list prepare karo. Dhyan rahe har ek dis advantage ke sath advantage bhi likho. Phir analysis karo ki advantage jyada hai ya dis advantage. Iss process ko karne ke liye time lo.

Ab research karo-

Agar aapne plan kar hii liya hai ki kaun se business me utarna hai tou ab thoda market research kar liya jaaye. For example, agar aap ek “computer hardware” ka business start karna chahte hai tou-

# Aapko apne local market ke competitors ka list bana-na padega

# Aapko pata lagana padega ki pehle se aapke area me kitne “computer hardware” ke shops maujud hai. Unke services kya kya hai, wo kitne prices me products dete hai, etc.

# Aap jis locality/area me business start karna chahte hai waha supply chain kaisa hai. Waha target buyers milenge ya nahi.

# Aapke area me marketing ke options kya kya hai, networking ke options kya kya hai, etc.

# Aapke paas finance ke options kya hai

# Materials kaha se aayenge

Aapka business plan ready karo-

Agar aapne puraa research kar liya hai tou ab uuse pen-paper me utaarna hai. Business plan kisi bhi business ke liye foundation stone [neev ki ith] hota hai.

Ye business plan aapko future me bahut kaam aane wala hai-

# Aap apne investor ko show kar sakte ho

# Aap apne partner ko show kar sakte ho

# Aap loan ke liye jab jaaoge tou bank me iski jarurat pad sakti hai

Apne business plan me inn cheezo ko include karo-

# Aapke business ka vision aur mission [aap apne business ko 3 years baad kaha dekhna chahte hai aur aapke business ka maksad]

# Objectives and strategies

# Introduction and summary

# Aapke business ke products/services jo aap offer karna chahte hai

# Marketing strategies, target group

# Financial management, administrative management

# Back end team

# Profit, loss escape plan, etc.

Better business plan ke liye aap search engine [google] me search kare “business plan template”.

Business me funding ya phir finance ke liye kya taiyari hai?

Agar aapne sab kuch taiyar kar liya hai, tou ab sochna hai ki finance ya phir funding kaha se aayega. Kya aapke paas funds maujud hai? Koi funding ke liye taiyar hai? Koi investor hai?

Shayad finance ke liye bank se loan lena pad sakta hai! Ya phir aapke paas already savings hai!

Ye bahut jaruri point hai. Kahi aisa naa ho ki aapne job se resign kar diya bina kuch soche samjhe. Agar finance ka issue aa raha hai tou ye sahi samay nahi hai job quit karne ka. Behtar hoga aap puri tarah se taiyaar ho jaao, uske baad hii job quit karne ka decision lo!

Kya koi team hai? Employees ki jarurat pad sakti hai?

Agar aap medium scale ya phir large scale business ke baare me soch rahe hai tou aapko backend me employees aur marketing ke liye team ki jarurat pad sakti hai.

Inke bina aap apne business strategies ko practical roop nahi de paayenge like marketing campaign par kaam karna, administration ko maintain rakhna, etc.

Agar aap purii tarah se prepara hai tou achhi baat hai, varna aapko iska extra cost apne business plan ke finance statement me add karna pad sakta hai.

Conclusion-

Umeed karta hu aaj ka mera ye hindi business guide aapke liye helpful rahega. Agar aap apne present job ko immediate quit karna chahte hai tou upar ke points ko jarur follow kare, phir decision le.

# Business me profit kaise ho- Powerful creative tarike READ HERE

Related Post


Comments are closed here.