Business ideas in hindi – Smartphone cover printing business

By | September 17, 2018

Business ideas in hindi – Business tou koi bhi start kar sakta hai lekin asal baat aati hai creative idea ki, planning ki. Aaj maiin aapke liye lekar aaya hu ek kaafi creative business ideas, jise agar aap achhi tarah se kar paate hai tou aap laakho kama sakte hai.

Tou aaj ke mere iss business idea ka naam hai > “smartphone cover printing business“. Tou chaliye ek ek karke pura analysis kar lete hai > kya faide hai, kya kya opportunities hai, iss business ka future kya hai, kaise start karna hai, etc.

 

Kya hai faide? Future scope in smartphone-cover printing business-

Smarphone har kisi ke paas hai, chahe wo bhuda ho ya rikshaw driver. Aur jab se JIO ne kadam rakha hai tab se tou smartphone ke bina zindigi jaise adhuri hai.

Aap agar apne locality ke kuch bade mobile shop me jaayenge tou aapko waha smartphone-cover kaafi milenge. Har ek company ke smartphone cover like samsung, oppo, gionee, redmi, motorola, etc.

Aur khaas baat ye hai ki ye inn covers ko bulk me kharidte hai aur ek ek cover ko Rs.100/- ya uss se jyada me sell karte hai. Aur hoga bhi kyu naa; isme munafa kaafi tagda hai.

Kyuki ye smartphone cover kabhi bhi band nahi hone waale hai. Demand kaafi jyada hai isliye supply bhi chahiye! Har roz ek naya smartphone launch ho raha hai aur uske sath launch ho rahe hai alag alag kism ke cover.

Matlab saaf hai ki iss business ideas me future scopes bahut hai, bas aapko laani hai thodi si creativity.

Tou chaliye aage jaante hai kaise iss business idea se aap laakho kama sakte hai!

 

The business plan-

Dekhiye dosto aaj ka zamana hai stylish look ka! Har koi kuch naa kuch hat-ke chahta hai. Tou kyu naa iss trending generation ko kuch hat-ke style diya jaaye.

Ab aapko karna ye hai ki inn smartphone covers ko direct whole sales me kharidna hai jaha ye manufacture hote hai. Aur phir isme aapko daalna hai thoda creativity. Aap inn covers ke peeche photos/images/designs print karenge aur phir ise sale karenge.

 

Ab ye photos/designs/images kya honge?

  • Aap kisi ka naam print kar sakte hai
  • Kuch quotes print kar sakte hai
  • Ya phir customer ke photos ko bhi print kar sakte hai
  • Aap koi design, layout, 3d color bhi print kar sakte hai

Ab jaise ki niche waale picture me dekhiye! Yaha live photos ko print kiya gaya hai. Ye kaafi demanding hai. Aapko sirf apne customer se unke photos lene hai aur printing machine se print out lena hai.

Sabse khaas baat yaha ye hai ki aap apne customers ke manpasand design ko unhe printing kar ke de rahe hai jiske liye aap unse ek achha price le sakte hai, aur wo pay karne ke liye bhi taiyaar ho jaayenge kyuki ye kaafi trending/stylish hai.

business ideas in hindi - smartphone cover printing business

business ideas in hindi – smartphone cover printing business

 

Print kaise hoga?

Abhi ye hai asal baat. Aap cover tou wholesale me lekar aayenge lekin asal kaam hai uuspar printing karna phir uunhe customer ko sell karna.

Dekhiye aise machines ko 3D ya phir laser printing machine bhi kehte hai. Jaise ki maine niche dikhaya hai-

Aise machines bade bade cities me easily available hai. Aap google me jaakar search bhi kar sakte hai-

  • “mobile cover printing machine”

Aapko bahut se suppliers mill jaayenge, jo sidhe aapke ghar tak machine pahucha denge.

 

Kaha start kare-

Dekhiye starting me aap ise apne local area me hii start kare. Phir jab munafa aane lage tou aap apne aas paas ke states tak bhi ise faila sakte hai.

Tab aapko jarurat padegi-

  • Ek website ki (for taking orders)
  • Courier services

Waise aap amazon seller me bhi apne design kiye gaye covers ko sell kar sakte hai. Flipkar seller bhi aapko ye opportunity deta hai ki aap apne business ko online sell kar sake.

 

Kuch aur jaruri baatein-

Chaliye business ideas tou maine aapko de diya lekin abhi kuch aur analysis karna baaki hai. Tou chaliye ek ek karke dekh lete hai.

Iss business me future scopes aur iska demand-

Waise tou ye main upar bata chuka hu lekin kuch jaruri points ko ek baar aur dekh lete hai jo ye batate hai ki iss business me kya kya scopes hai aur ise kaise aage lekar jana hai.

1. Iss business me laagat kam hai. Jo jaruri laagat hai wo hai machine par. Iske baad aapko bulk me smartphone covers order karne hai jo aapke local area me easily available hai.

2. Agar aap suruwat me printing machine nahi kharid paa rahe hai tou aap market se ready made stickers kharid kar uuse cover me lagakar bhi customers ko de sakte hai. Suruwati daur me aapko bahut se designs apne shop me rakhne padenge. Aise stickers bhi aapke locality me easily available hai.

Ya phir aap google se bhi search kar sakte hai.

3. Jab bhi ek naya phone launch hoga, tab tab aapko uus se related cover bulk me lana padega. Matlab thode management ki jarurat bhi pad sakti hai.

4. Jo jo new phones market me launch ho rahe hai unke bare me jaankari rakhna bhi jaruri hai. Iske liye aap kuch websites follow kar sakte hai like-

5. Kyuki aap customers ko print-on-demand service provide kar rahe hai tou aapko ek price chart banana pad sakta hai. Waise aap ek print ke liye Rs.50/- tak charge kar sakte hai, jisme phone cover ka price alag hoga.

6. Agar aapke paas desings ke liye koi idea nahi hai tou aap internet par maujud kuch websites se design help le sakte hai like-

7. Behtar hoga ki aap bulk me smartphone cover lene ke bajay direct kisi manufacturer se deal kar le aur direct covers order kare. Aapko supply chain strong rakhna hoga. New mobile launch hone ke 3 din ke andar aapke paas uska cover pahuch jana chahiye, tabhi aap jyada se jyada customers attract kar paayenge.

 

Marketing plan-

Kyuki ye kaafi unique business idea hai isliye aapko jyada promotion karne ki jarurat nahi padegi. Aapko sirf ek baar apne business ke baare me logo ko batana hai. Phir wo apne aap viral hoga.

Aap social media marketing ka sahara bhi le sakte hai like facebook page, google business page, blogger page, etc.

# Social media marketing se brand awareness kaise badhaye – Read here

# Aap humari professional business promotion ke liye direct contact kar sakte hai [email protected]!

 

Final words-

Dosto umeed karta hu ki aaj ka ye business ideas in hindi aapke liye helpful rahega aur main aapko samjha bhi paya hu. Agar dekha jaaye tou aaj ke new generation ke hisab se ye business idea kaafi profitable hai. Aur dosto saamne aane waale generation me bhi ye business opportunity kaafi popular rahegi.

Aise aur bhi business ideas, tips aur marketing tips ke liye roz visit kare www.anicow.com!

# Small business ideas in hindi > Sirf 50,000 me suru kare inn business ko – Read here