Business idea hindi- Mobile shop business कैसे start करे

December 1, 2017 | By Anirudh chaudhri | Filed in: Business ideas.

Aaj ke hindi business ideas me main aapko batane jaa raha hu kaise aap ek profitable mobile shop business start kar sakte hai. Mobile shop business start karne ke liye aapko technical knowledge ki jarurat nahi padti, haa par basic skills ki jarurat pad sakti hai like-

# Alag alag mobile ke operating system [android, iOS, windows, etc.] ke baare me basic jaankari

# Alag alag mobile brands ke baare me jaankari like samsung, micromax, xolo, asus, oppo, lava, oneplus, huawei, xiaomi, lenovo, gionee, etc.

# Smartphone ke camera ke baare me thodi bahut jaankari like HDR, Panorama, mega pixels, etc.

# Internet browsers ke baare me jaankari aur alag alag mobile apps ke features like chrome browser, uc browser, facebook mobile app, whats app, video calling app, etc.

# Thodi bahut jaankari mobile ke memory ke baare me like RAM, internal memory, external memory with SD card

# Mobile network ke baare me thoda information like 3G, 4G or LTE

Ye saare basic skills and knowledge aapko tab kaam aayenge jab aap apne phones customers ko present karenge. Kahawat bhi hai ki jis bhi business me utarna chahte ho uske baare me jaan lo phir utro!

Kaha se jaankari le?

Ye sab basic knowledge aapko internet se bhi mill sakta hai. Aapko sirf karna ye hai ki gsmarena.com, phonearena.com jaise websites ko follow karne hai.

Iin dono sites par aapko new mobile launch se lekar har ek mobile ka specification aur unke features; sab kuch mill jaayega. Aur iske sath sath aap mobile phones ke baare me bahut kuch naya sikh paayenge.

Actually ye saare skills and knowledge aapko future me mobile shop open karne ke baad kaam aayenge.

Hindi business idea- Mobile shop business

Tou chaliye ab jaante hai ki mobile phone business me kya kya scopes hai?

India ki telecommunication industry bahut fast pace me increase ho rahi hai. Kuch dhurandar telecom services India me competition kar rahe hai like Vodafone, Airtel, Reliance, etc. Aur competition ho bhi kyu naa; itne saare subscribers jo hai. Ek recent survey ke anusaar India me total 800 millions se jyada phones ke subscribers hai.

Matlab aap soch sakte hai ki telecommunication industry ko kitna achha response mill raha hai. Aur aise halaat me ye future me aur bhi jyada grow karega.

Aaj kal phones sirf audio baatein karne ke liye hii nahi balki text messages aur video calling ke liye jyada use me aa rahi hai.

Isliye tou phablets and tablets jaise gadgets market me launch hue hai! Aur upar se abhi zamana chal raha hai internet data ka!

Matlab 4 major categories me hum mobile phone ko daily usage ke anusaar divide kar sakte hai and wo hai-

  • phone karne ke liye; audio phone
  • text messages karne ke liye
  • video call karne ke liye
  • internet karne ke liye

Shayad aapko pata nahi hai ki inhi logic par India ke kuch best mobile companies saamne aaye hai like aircel [for audio call], idea [for internet data] and BSNL 3G internet video call ke liye. Matlab competition bahut hai aur scopes bhi bahut hai. Overall agar dekha jaaye tou iis business me future hai!

Kaise start kare mobile shop business?

Ab dekhiye aapko pata chal gaya ki mobile phone business me future hai. Aur iske sath sath maine aapko upar 2 important sites ke baare me bata diya hai jaha se aap latest mobile ke baare me update le sakte hai. Ab aap field me utar sakte hai, best of luck!

Sabse pehle decide kare- Kis brand se start karna hai?

Aapko apne local market me research karna hoga aur pata lagana hoga ki kaun se mobile brands abhi tak market me JYADA competition me nahi hai. Ab aapko kisi ek mobile brand se apni pehchan market me bana-ni hogi. Baad me aap ek sath multiple brands use kar sakte hai lekin starting me aapko kisi ek mobile brand ke license ke sath start karna hoga.

Jaise ki humare yaha ke market me samsung, vodafone, micromax jaise brands available thhe aur phir yaha ke ek businessman ne Oppo mobile store se apna shop start kiya aur wo aaj humare area ka leading dealer hai.

Start with a distributor-

Agar aapne apna brand choose kar liya tou ab aapko uus brand ka distributor dhundna hoga jo aapko exact aur reliable price me phones provide kar sakee. Uus distributor ko find kare aur uske sath quotation aur business plan deal kare.

Yaha par main ek baat add karna chahunga ki aap jis bhi brand ke sath jaaye ek baar ye bhi dekh le ki aapke aas paas ke locality me uus brand ka service center hai ya nahi.

Kyuki aaj kal jyada customers mobile phones lene se pehle service center ke baare me inquiry karte hai!

Next decoration and shop selection-

Ab ye ek bahut crucial factor hai. Ye puri tarah se aapke budget par depend karta hai.

Agar aap ek average shop ke baare me soche tou minimum Rs 1.5 lac ka investment aayega. Agar aap kuch professional outfit shop ke liye jana chahte hai then aap Rs 2.5 lac tak jaa sakte hai jisme 2 items kaafi vital rahenge-

  • AC
  • LED or LCD TV for new mobile presentations

Ye jo 2nd professional shop ki baat me yaha kar raha hu isme aapko new mobile presentations ke liye ek LED or LCD display ki jarurat padegi jiske jariye shop me aane waale customers ko aap new mobile phones ke presentations dikha sakte hai.

Ab aap yaha par company ke dvd prefer kar sakte hai ya phir youtube ke videos. Iis se hoga ye ki aapke shop me ek naya professional look aayega aur staffs ki jarurat bhi kam padegi, kyuki aapke customers ke liye saare presentations on-screen honge. Tou hai naa creative!

Decoration ke liye aap local decorators hire kar sakte hai. Unke paas ready made plans available hote hai. Ya phir aap google images me jaakar “mobile phone shop interior looks” search kar sakte hai, aur decoration ideas dekh sakte hai.

Shop ka location aapke availability par nirbhar hai. Behtar yahi hoga ki aap kisi bus stand ya station ke aas paas ka location prefer kare.

Mobile shop Marketing-

Marketing ke liye tou aapke mobile distributor ke paas ready made traditional ideas honge aur iske sath sath aap apne personal ideas bhi apply kar sakte hai like-

  • festival discount offers
  • new phone launch discount offers
  • offline promotion [pamphlets, brochure]
  • online promotion ke liye facebook page, website promotion

Marketing ke liye aapko local ideas prefer karne padenge. Ye ideas alag alag locality par depend honge. Aap cyber cafe me jaakar pamphlets distribute kar sakte hai. College gate par distribute kar sakte hai new offers ke sath!

Aap local parks, clubs and restaurants me jaakar bhi brochure distribute kar sakte hai. Dhyan rahe ki aapko locality ke anusaar permission ki jarurat pad sakti hai.

Conclusion-

Umeed karta hu aaj ka mera mobile shop business idea aapko pasand aaya hoga. Main aage aapke liye aise hindi business ideas aur bhi lekar aayunga. Happy reading!

# Iske next part me maine bataya hai ki aap iss business plan ko achhi tarah se plan aur execute kar sakte hai – PART 2 read here

# BSNL Prepaid recharge offers | Online RECHARGE OFFERS – READ HERE

Sharing is caring!

Related Post


Comments are closed here.