Business strategy in Hindi- Ek Company कैसे Register करे

December 1, 2017 | By Anirudh chaudhri | Filed in: Business tips.

Aaj ke article me main aapko ek full business strategy batane jaa raha hu jisme main aapko batayunga ki kaise aap ek pvt. ltd. company India me register kar sakte hai. Kisi bhi company ko start karne se pehle uuse kuch basic initial steps se gujarna padta hai like DIN lena, ROC ke under register hona, certificate of incorporation lena, etc.

Aaj ke business strategy me hum ye saare basic steps discuss karenge. Main apni taraf se purii koshish karunga aapko sahi information de saku!

Kaise ek company Register kare – Business strategy in Hindi

Sabse pehle DIN [director identification number] apply kare-

Sabse pehle jaan le ki ek private company me minimum 2 directors hone jaruri hai. Ab ye process sabse pehla step hai jisme har ek company director ko apne DIN ke liye apply karna hai.

Kaha se apply kare?

Iske liye sabse pehle aap MCA [ministry of corporate affairs] website me visit kare aur waha par register hokar login id obtain kare. Phir aapko DIN obtain karna hai.

Amendment act 2006 ke anusaar har ek company director ke liye DIN obtain karna jaruri hai.

Digital signature certificate [DSC] lena hai-

Ab next step me aapko DSC [digital signature certificate] lena hai. Electronically online documents ke security and authentication ke liye digital signature certificate jaruri hai.

Kaha se le?

Ye certificate aapko wahi agencies provide karti hai jo CCA [controller of certification agencies] dwara appointed rehti hai.

MCA me account banaya-

MCA [ministry of corporate affairs] me a/c banaye.

Ab company registration ke liye apply kare-

Ab company ko initially register karana hai MCA me! Aap registration process me company ka naam, office address, directors ke naam, manager ke naam, secretary ke naam, etc. information ke sath fill up kare.

Office address location ke liye permission notice ki jarurat pad sakti hai. Directors and managers ke appointment copy bhi important hai.

Kuch important forms jo aapko apply karne hai-

  • Form 1
  • Form 18
  • Form 32

MCA dwara ye sab approve hone ke baad aapko email confirmation milega!

Ab aapko ROC ke under aana hai-

ROC ka matlab hai registrar of companies! Har ek state me regional ROC offices hote hai. Yaha par ROC aapke company name par mohar lagata hai aur certified karta hai.

ROC ke liye apply karne ke baad 15 days me ROC aapko bata-ta hai ki aapka application form approve hua hai ya phir objection hai. Agar approve hota hai tou ROC aapko ek approval confirmation letter send karta hai.

Aur agar objection hota hai tou aapko kuch alternative company name suggest karta hai jinme se aapko choose karna padta hai.

Aap online bhi apply kar sakte hai. Important form- 1 A.

Ab baaki ke steps

# Ab aapko saare company documents ko stamp karana hai

# Next PAN create karna hai [company name]

# Ab TAN [tax account number] lena hai

# VAT ke liye sales office par register karna hai

Kuch extra steps bhi hai like-

# Employee’s provident fund me registration

# ESIC [employee state insurance corporation] me registration

Final words-

Maine apni taraf se purii koshish ki hai basic business company registration ke strategy ko aapke saamne rakhne ki! Aap kisi professional help ke sath bhi jaa sakte hai jaha par aap upar ke saare steps/points discuss kar sakte hai!

Happy reading!

Sharing is caring!

Related Post


Comments are closed here.