Business tips in Hindi- Har Business me Safal hone ke liye 3 Formulas

January 10, 2018 | By Anirudh chaudhri | Filed in: Business Ideas.

Business tips in hindi – Business ka agar sidhe sidhe matlab nikala jaaye tou ‘dusro ko products and services dete hue profits earn karna’. Matlab business me 2 cheeze sabse jyada important hai-

1. Pehla tou apne client ko products and services provide karna [unhe puri tarah se satisfy karna]

2. Uus products aur services ke badle me profit earn karna

EK successful business ka golden rule hai “you take care of your customers, and the rest they will take care of your turnover”. Matlab agar aap apne customer ko satisfy kar sakte ho tou aapko apne company ke turnover ke baare me sochne ki jarurat nahi padegi.

Ek successful business ka pehla aur akhiri golden formula hai apne customers ko satisfy rakhna!

Tou chaliye aaj isi tarah ke kuch successful business tips ke baare me discuss karte hai, jinki madad se kisi bhi business ko growth karaya jaa sakta hai.

Business tips in hindi – 3 Golden Business success formulas

Kya aapke customers aapse naakhush hai? [Business golden rule 1]

Kya kabhi aisa hua hai ki aapke customers ne aapke services aur products ko dobara lene se mana kar diya hai. Ab sochiye aapka ek regular client raha hai, lekin pichhle mahine uusne aapki services lene se mana kar diya hai!

Agar aisa hai tou aapko bahut jald apne business management me improvement ki jarurat hai.

Dekhiye first sell [yaani pehla sell] tou har ek business me hota hai aur ye normal hai. Lekin upsell [matlab extra sell, ya phir renewal services] hii ek aisi cheez hai jis se ye pata lagaya jaa sakta hai ki aapke products and services wakay kitne achhe hai!

Agar aapke regular customers aapke paas dobara nahi aa rahe hai, iska matlab-

1. Aapki services me koi kami hai

2. Pehle ke mukaable aapke product me wo baat nahi rahi

3. Aapse better koi market me aa chuka hai [aapka competitor]

Ab agar aapne iss formula ko pakad liya, tou aap bahut jaldi apne business ko ऊचाई तक पंहुचा सकते है| Apne naakhush customers ko khush kar pana hii ek successful business man ki nishani hai.

Apne customer ko kuch extra dene ki koshish kare- [Business golden rule 2]

Ab sochiye aap ek mobile shop ka business karte hai jisme aap latest mobiles sell karte hai. Ab aaj ke zamane me ek locality me ek sath 5 se 7 mobile shops ka honaa aam baat hai. Aaj kal har koi iss mobile shop ke business me hai.

Matlab ye saaf hai ki aapke market me aapke competitors bahut hai. Ab aap ye soch rahe hai ki kya aisa kiya jaaye ki jyada se jyada customers attract ho!

Aap apne customers ko har ek mobile purchase par kuch extra product dijiye, jo mobile se related ho aur useful bhi ho! Ab aapke mind me aa raha hoga ki chalo 6 months ke liye free songs/videos ki subscription de dete hai ya phir 6 months extra guarantee service de dete hai.

Ya phir ek mobile back cover de diya jaaye, ya phir ek free SIM card with unlimited 1 months calls. Aise kitne hii ideas aapke mind me aa rahe honge!

Par kuch aise agar diya jaaye jo aapke locality me kuch damdaar ho like-

1. Ek high quality ka mobile selfie stick

2. Ek travelling mobile Powerbank charger [kam se kam 10000 mAh power ka]

3. Ek 16 GB ka memory card

4. Ek 16 GB ka pen drive

5. Ek 3D VR [virtual reality] glass

Haa upar ke 2 ideas thode costly ho sakte hai! Lekin agar aap inhe bulk me ek sath kharide tou shayad cost effective rahe.

Par itna jarur hai ki aapke locality me aapke competitors ke liye ye shock ho sakta hai. Aur ultimately aapke customers kaafi increase ho sakte hai.

Isi tarah business me apne customer ko kuch extra dekar aap kisi bhi business me success paa sakte hai.

Aapka marketing strategy- [Business golden rule 3]

Kisi bhi business me marketing strategy ya phir marketing campaign, uss business ka back bone hota hai. Bina marketing ke, aap kisi bhi business ko jyada der tak chala nahi sakte hai. Agar kaha jaaye tou ek successful business me ye sabse important Golden rule hai.

Chahe aap small business run karte ho ya phir large scale business, marketing ki jarurat har ek field me hoti hai. Bina marketing kiye aapke products ke baare me awareness nahi badhegi.

Marketing rule 1-

Marketing ka sabse pehle wasool hai target market ko pehchan-na. Kisi bhi business product/services ko promote karne se pehle target market ko pehchan-na bahut jaruri hai. For example, agar aap sports shoes ka business karte hai tou aapke target market hue-

# Sports club [cricket clubs, football clubs]

# Schools and colleges [games department]

# Gym centers, etc.

Marketing rule 2-

Target market ki pehchan hone ke baad dusra important factor hai ‘market segmentation’. Market segmentation matlab puree market ko alag alag categories me divide karna.

Yaha aapke sports shoes ke business me market segmentation hoga-

# Cricket sports shoes

# Football sports shoes

# Casual sports shoes [for gyms]

Har ek successful business ke pichee inn dono marketing strategies ka hone jaruri hai. Waise marketing ka concept sirf yahi tak hii nahi hai; aise aur bhi jaruri marketing steps hai jinhe har business me apply karna padta hai.

Umeed karta hu ki aaj ke hindi business tips aapke liye helpful rahenge. Aise aur bhi business tips main aapke liye lekar aayunga. Keep watching, happy reading!


# Best entrepreneur books for business mind peoples – READ HERE

Related Post


Comments are closed here.