Business tips in hindi – Entrepreneurship skills kaise develop kare?

0
442

Business tips in hindi – Aaj ka mera ye article young entrepreneurs and startups ke liye hai, jisme main aapko batane jaa raha hu ki kaise aap apne entrepreneurship skills ko improve kar sakte hai.

Tou, Entrepreneurship kya hai?

Entrepreneurship kisi ek common formula par kaam nahi karti. Jaruri nahi ki jo business tips and ideas ek MBA holder ke paas hai, wo ek average person ke paas naa ho!

Shayad aisa ho ki usi average person ke paas kuch aise entrepreneurship skills ho jo aaj ke trendy market ke sath suit karta ho!

Chaliye ek example aapke saamne rakhta hu! Orkut, jo ek samay me duniya ki best social networking site hua karti thhi wo ekdum se gayab ho gayi. Shayad aapko pata naa ho ki ORKUT puri tarah se band ho chuki hai, jabki wo GOOGLE jaise bade incorporation ka part thha.

Aur FACEBOOK ne orkut ki jagah le li hai. Facebook kuch iss tarah se market me utra ki usne orkut ke puree plan ko khatam kar diya. Aur aaj facebook duniya ka #1 social networking site ban chuka hai.

Uun dino facebook ke paas orkut jaise bade market shares bhi nahi thhe, phir bhi wo market me utra aur apne plan aur idea se puree market me chha gaya.

Aur abhi ye haalat hai ki Facebook ye bhi chahta hai ki uska competitor koi market me naa rahe, isliye tou uusne 2 social giants Instragram and Whats app ko bhi acquire kar liya. Ab kuch tou baat hai ‘Mark zuckerberg’ me jo wo iis tarah se lead kar raha hai.

Tou kya [facebook founer] Mark zuckerberg ko ek successful entrepreneur kehna sahi hoga? Lekin unke paas tou koi Business skills thhe hii nahi, aur naa unhone koi management ki padhai ki thhi. Wo tou ek programmer thhe, jo college drop-out hai.

LEKIN unke paas kuch aise ideas thhe, kuch iss tarah se sochne ki skills thhi; jo duniya ke kisi bhi kitab me nahi milti!

Tou kaise develop kare iss tarah ke entrepreneurship skills? Chaliye jaante hai!

Business tips in hindi – How to develop entrepreneurship skills?

Entrepreneurship ko develop karne ke liye kuch aise common skills lagte hai jo shayad har average insaan ke paas hai like-

The basics- [business tips in hindi]

  • creative thinking
  • target market ko pehchan-ne ki ability
  • curiousness, and logical thinking
  • common man ki tarah sochne ki ability
  • problem solving skills
  • manageable skills within limited resources [Jugadu]

Ek achhe and successful Entrepreneur ki pehchan-

Agar aap ye soch rahe hai ki ek achhi 5 figure income karne se aap entrepreneur bann jaayenge, then aapki soch puri tarah se galat hai! Sabse pehle aapke andar 2 cheeze honi chahiye-

  • ek happier mind
  • problem solving skills

Agar pehla raha tou dusra apne aap aa jaayega. Aur agar dusre step ko apply karna aa gaya then aap duniya ke best entrepreneurs ke list me shaamil ho sakte hai.

Tou kaise pehchane ki aap problem solve karna jaante hai? {Business tips in hindi}

Agar aapke paas new clients aa rahe hai then its ok!

Aur agar aapke paas wo clients dobara aa rahe hai jo already aapke paas se products and services le chuke hai; then aap me kuch tou baat hai! Matlab saaf hai ki aapke products and services se khush hokar wo client aapke paas dobara isliye aaya hai kyuki aapne uske problem ko solve kiya hai.

Yahi tou hai pehchan ek achhe entrepreneur ki!

Kabhi socha hai aapne; yahoo, bing, AOL, jaise bade bade search engines ke rehte; sabse jyada searches google par kyu hote hai? Kyuki google aapke problems ko accurately solve karta hai.

Shayad aapko pata naa ho kuch saalo pehle YAHOO duniya ki sabse popular aur use kiye jaane waali search engine thhi! Lekin aaj GOOGLE hai!

Sochiye, aapka customer aape paas tabhi aayega jab usko kisi cheez ki jarurat hogi ya phir uuse problem hoga! Ab ye aapke skills ke upar hai ki aap uuse kaise solve kar paate hai.

Isi se hogi aapke entrepreneurship ki pehchan!

Tou kaise banee problem solver? {Business tips in hindi}

Ab main yaha MBA ki baat nahi kar raha hu! MBA me solving skills nahi balki clients interaction and customer relationship building skills sikhaya jaata hai.

Ab dekhiye naa, Bill Gates ke paas problem solving skills thhe, isliye unhone ‘Microsoft’ ko banaya; aur customers and clients se interaction karne ke liye MBA holders ko recruit kar ke rakha! Tajjub ki baat hai naa! Shayad aapko pata naa ho ki wo ek college dropout hai!

Isliye hume kabhi bhi ek ‘young entrepreneur mind’ ke sath ‘MBA holder’ ki tulna nahi karni chahiye. Maine hamesha ye sunaa hai aur karib karib aaj bhi sunta hu, ki agar business me utarna hai ya entrepreneur ban na hai tou MBA ki degree honi chahiye! Bakwas hai!

Agar aapko problem solver ban-na hai tou aapko chahiye-

  • Knowledge
  • Learning

Knowledge se matlab hai aap jis business me utarna chahte hai uske baare me A-Z jaankari. Learning se matlab hai har ek nayi cheez ko, har din jan-ne ki curiosity.

Waise tou aapko pata hoga ki Facebook founder Mark zuckerberg, har din million dollars kamate hai lekin wo aaj bhi har din kuch naya padhna pasand karte hai. Wo aaj bhi har din kuch naya sikhte hai.

business tips in hindi - entrepreneurship skills

image credit – google image

Chaliye ek example se samajhte hai, kaise problem solving skills ne aaj REDBUS.IN ko banaya.

Waise tou aapne flight booking, train booking ke baare me suna hoga. Lekin kabhi bus booking ke baare me sunaa hai? Redbus India ki ek leading bus tickets booking service hai.

Iske founder hai Phanindra sama, jo ek engineer hai. Wo diwali ki chhutiyo me ghar jaane ke liye bus ticket booking kar rahe thhe, tou unhe pata chala ki wo thode late pahuche hai. Saare tickets already book ho chuke thhe.

Uus din unhone iss problem ko solve karne ke baare me socha, aur natiza aapke saamne hai. Aap redbus.in se ghar baithe bus tickets booking kar sakte hai. Iss tarah ke business concept ke baare me sochna aur uus par kaam karna sach me kaafi risky hai.

Khaas baat ye hai ki wo engineering background se thhe aur iss business concept ko unhone jis tarah se puree India me promote kiya, ye apne aap me ek bahut bada example hai ki agar aap sach me problem solving karna jaante ho tou aap future entrepreneur ban sakte ho.

Phanindra ne redbus.in ko ek din ya phir ek mahine me nahi banaya. Iske liye unhone sabse chhote level se knowledge badhana suru kiya. Wo har ek bus ticket booking counter me gaye, waha se puree process ko jana.

business tips in hindi - entrepreneurship skills development

image credit – reddif

Unhone kai travel agents se puree concept ko learn kiya. Phir jaa kar plan banaya. Phir funding, aur uske baad pehla kadam. Kisine socha nahi thha ki bus ki tickets bhi koi online book karega. Lekin aaj redbus.in, IBIBO ka part ban chuka hai.

” at first you have to LEARN…. then slowly remove the L “

Conclusion-

Tou kaise lage aaj ke business tips aapko? Umeed karta hu ki business ke basic fundamentals aapke saamne rakh paya hu.

Agar aapke paas bhi koi entrepreneurship and business ideas/skills hai, aur aap internet par uuse share karna chahte hai then mujhe send kare ani123india@gmail.com par.

Pasand aane par aapke naam ke sath uus article ko anicow.com me publish kiya jaayega.

Filhaal aaj ke liye itna hi! Main aise aur bhi business tips hindi me aapke liye laate rahunga, taaki India se jyada se jyada fresh minds ko develop kar saku.

# Low cost small business ideas in hindi – kabhi bhi suru kare inn businesses ko – READ HERE

Related Post