Hindi Business strategy and ideas- इन्हे Low investment के साथ start करे

October 11, 2017 | By Anirudh chaudhri | Filed in: Business ideas.

Kya aap apna khud ka business start karna chahte hai, wo bhi bina kisi investment ke ya phir low investment ke sath. Chaliye aaj ke article me main aapko kuch business strategy and ideas de deta hu jinhe aap kabhi bhi start kar sakte hai. Lekin haa initially aapko 2 cheezo ki jarurat padegi-

  • smartness
  • creativity

Jo business ideas main aapko dene jaa raha hu wo saare koi theoretical basis par nahi de raha hu; balki saare practical basis par azmaaye jaa chuke hai.

Business strategy and ideas with low or zero investment – Hindi me jaankari

Freelancing

Ye ek aisa business idea hai jo har koi start kar sakta hai aur kar bhi raha hai. Aapko market me shayad sunn ne ko bhi mill jaye freelancing photographer, freelance web designer, freelance interior decorator, etc.

Waise mera ye tip thoda hatt ke hai. Main aapko freelancing sites [like fiverr.com, upwork.com] me biodata aur skills upload karne ko nahi kehne wala. Mera ye plan offline basis par hai jo aapke local area me deal karne wala hai.

The strategy-

Freelancing matlab aap jiss field me expert hai, uus field se related service provide karna. Ab ye field kuch bhi ho sakta hai like-

  • computer troubleshoot
  • bike/scooty riding
  • wall painting
  • guitar playing
  • birthday party decoration
  • event management, party decoration
  • financial planner
  • tattoo designing
  • et. etc.

Chaliye ek example se purii baat ko samjhata hu jis se aapko samajhne me suvidha hogi. Suppose kijiye aap Gujarat me ahmedabad ke ek locality me rehte hai, and aap bachpan se birthday parties me decoration karne me maahir hai. Yaha tak ki aapko aapke locality me kuch kuch gharo me pehchana bhi jata hai as a party decorator.

Ab dekhiye event management, wedding planner ya party decorator ek bahut bada field hai and usme birthday decorator ek chhota sa part hai. Ab hota ye hai ki birthday decoration me jyada dhyan nahi diya jata kyuki sabko pata hai ki ye low budget ke events hote hai.

Bas aapko isi particular field me chamakna hai! Freelancing ka puraa concept yahi hota hai ki aap jis field me expert ho, usi field ko apna profession bana lo.

Shayad aap believe naa karo humare yaha ek banda bike chalane me expert thha, aur usne apne female friend ke sath 2 wheeler riding school bhi khol diya. Baat 2 saal purani hai! Aur phir dhire dhire apne business ko expand kar rahe hai.

Unki company ne pollution control certificate bhi dena suru kar diya hai. Iis se pehle wo license ke formalities bhi kiya karte thhe. Ab next wo log planning kar rahe hai bike modification ka.

Dekhiye iss tarah se agar socha jaaye tou agar aapke paas ek creative and smart mind hai tou aap ek MBA passout ko bhi take over kar sakte ho.

Ab aap jis bhi field me expert ho; aaj se freelancing suru kar do! Sabse pehle apni pehchan local area me banao. Initial level par marketing ke liye aap business cards se start kar sakte ho.

Educational tutor for competitive exams-

Main aapko ek market research tip de raha hu jo maine apne aakho se follow kiya hai. Educational line me aajkal jo sabse jyada chal raha hia wo hai competitive exams ke coaching; chahe wo banking se related ho ya railways se ya staff selection se ya civil services se.

Yaha tak ki engineering and medical entrance ke liye bhi coaching centers khul rahe hai. Aaj aap apne area me hii dekh sakte hai aise private coaching centers bahut khul chuke hai.

Ab yaha par dhyan dene waali baat ye hai ki inki fees kaafi high hai. Agar aap normal ek banking ke exams ke liye coaching lene jao tou 20k charge karte hai. Aur IAS ke liye jaao tou 50k se niche tou koi option hii nahi hai.

Lekin shayad aapko pata nahi hai ki kuch aise bhi students hai jo itni high fees nahi afford kar paate hai. Aap uun populations ke liye kuch kar sakte ho. Iis se unki help bhi ho jaayegi and aapki living bhi chal jaayegi.

Strategy-

Sabse pehle apne locality ke kisi society club me jaao aur announcement karo ki aap ek chhota sa coaching center kholna chahte hai small scale par. Agar waha aapko kisi senior ka help milta hai tou aap easily apne mission ko aage le jaa sakte ho.

Next aapko jarurat padegi ek compound area ki jaha aap coaching start kar sakte hai. Bas aapko dhyan ye rakhna hai ki apne fees low rakhne hai jo sabke liye affordable rahe, aur jisme monthly installments payment ka option jarur rahe.

Computer tutor for govt employees [business idea + strategy]-

Yaha par ek trick hai, jo aapke liye kaafi profitable rahega. Kyuki computer aaj kal har ek govt institution me compulsory ho gaya hai isliye aapko kuch aise target group dhundhne honge jo govt employee hai aur after duty computer sikhna chahte hai.

Matlab aapka target group rahega govt sectors employees! Aap apni fees high rakh sakte hai lekin aapka condition ye hoga ki jo course sikhne me 6 months lagte hai uuse aapko 3 months me cover karna hai. Ab ye aapke upar hai aap kis tarah se cover kar sakte hai.

Kyuki ye already govt sector employees rehte hai isliye inhe aise institutions ki talaash rehti hai jo short time period me courses available karaye.

Yoga cum relaxation center [business idea + strategy]-

Purii duniya bhag-daud me lagi hui hai, aur agar aap sach me society ke liye kuch karna chahte hai then iise jarur apply kare. Aap apne ghar me hii relaxation center khol sakte hai. Agar aap society me rehte hai tou aapko permission ki jarurat pad sakti hai.

Dhyan rahe ki iis field me surrounding environment kaafi relaxing hona chahiye. Agar aas paas noisy area hai then aap room ke andar relaxation background music play kar sakte hai.

Agar aap akele iss mission par kaam karna chahte hai then aap puree 24 hrs ko 3 categories me divide kar sakte hai. Morning ka schedule for old aged persons. After noon ka session for youngsters and evening ka schedule for working groups.

Agar aapke paas ek team hai tou aap ek small gym center usi ke sath start kare. Dhyan rahe ki equipment basic levels ke hone chahiye jise har ek age group use kar sakee.

Cooking cum tiffin service [business idea + strategy]-

Waise tou ye female ke liye sabse perfect business idea hai, waise aaj kal males bhi iss business me hath azmaa rahe hai. Ye business strategy basically mumbai me kaafi dekhne ko mill sakta hai.

Mumbai me jyadatar jo employees kaam karte hai unke liye dopahar ka lunch ready kiya jaata hai. Aur aapko bata du ye koi pvt. ya ltd. companies run nahi karte, balki individually khana banate hai and phir unko tiffin me pack karke uun employees tak office-office pahuchaya jata hai. Agar aap bhi cooking ke shaukin hai then aap bhi iss business strategy ko try kar sakte hai.

Bas aapko apne locality me kuch private sectors ki companies target karne hai. Iske liye aap local newspaper me advertisement bhi de sakte hai. Local TV Cable channel me ad dena bhi ek kaafi achha option rahega.

Conclusion-

Tou kaise lage mere aaj ke practical hindi business strategy and ideas. Umeed karta hu pasand aaya hoga. Agar aapke paas bhi koi business plan and ideas hai then aap humare sath share kar sakte hai! Filhaal aaj ke liye itna hii, main aage aur bhi tips dete rahunga, happy reading!

# Business tips in hindi > Party planning business kaise start kare – READ HERE

Sharing is caring!

Related Post


Comments are closed here.