Business success story in hindi- Redbus.in [Phanindra Sama]

      Comments Off on Business success story in hindi- Redbus.in [Phanindra Sama]

Redbus.in ke baare me tou hum sab jaante hai; ye ek online platform hai jaha se hum bus tickets book kar sakte hai. Lekin redbus ke launch ke piche ek kahani hai, jise business success story kehna sahi hoga. Kyuki ye puraa platform ek creative idea par based hai jise isliye design kiya gaya thha taaki logo ko bus tickets book karne me koi problem face naa karna pade.

Redbus ke founder Phanindra Sama jo 2005 me ek engineering company ke job me thhe, wo diwali ki chuttiya mana-ne ke liye apne ghar jaane ki planning kar rahe thhe. Lekin ek problem saamne aayi, aur wo thhi bus tickets ka naa milna. Aur end tak hua ye ki unhe finally koi bus ticket nahi mili. Phir kya thha, wo bus authority ke paas gaye aur unhone puree system ko jana!

Phir unhone apne 2 batch mates ke sath redbus ki neev rakhi. Aur iss sapne ko puraa karne ke liye Phanindra ji ne apne lucrative engineering job ko chhoda. Unhone ek interview me kaha hai ki ‘sirf Business hii unka motive nahi thha’. Wo sirf chahte thhe ki jo problem unhone face kiya hai aage se koi uus problem ko face naa kare.

Ye article maine rediff business me padha thha, aur main yaha par unke puree business success story ko aapke sath share karne jaa raha hu!

Business success story in hindi – Redbus.in

Kya kya problems aaye –

Sabse pehle tou ye engineering background se thhe without any IT knowledge. Bus ticketing ke puree network ke baare me jaan-ne ke liye unhone bus authority se baat ki, par unhe information utne asaani se nahi mili.

Unki team sirf ek creative idea ke upar kaam karna chahte thhe jisme logo ko bus ticketing service asaani se mill sakee. Phir unke team ne ek business plan ready kiya. Ab baari thhi bus authority se approval ki!

Lekin waha baat nahi bani, phir wo apna business plan TiE [banguluru] ke paas le gaye jaha unhe accurate advice mili.

Ab unke team ko puree bus network par research karna thha! Ab baari thhi kadi mehnat ki! Unhone puraa information nikalna start kiya like-

# total number of buses

# total bus routes

# average ticket price

# bus operator and agents mutual commission rates

Ab puraa detailed analysis unke paas thha. Ab baari thhi well strategic action ki! Unhone phir 5 lac se puraa system start kiya. Ye puraa investment uun teeno se share kiya thha.

Redbus name kaise choose kiya and why red?

Actually Phanindra ji Richard Branson ki autobiography padh rahe thhe. Unhe Richard Branson ke brand Virgin ka success story bahut pasand aaya. Kyuki Virgin brand ka color red thha isliye Phanindra ji ne ‘red’ word choose kiya.

Dusra kaaran ye thha ki kyuki redbus purii tarah se online based rahegi, isliye Phanindra ji ek small and eye catching name chahte thhe taaki users easily type and find out kar sake.

Phanindra ji jab success tak pahuch gaye thhe, tab bhi wo nahi ruke aur unhone aur bhi efficient ways nikale jis-se travelers ko aur bhi jyada suvidhaye mile. Phir bus ticket booking ke sath sath unhone seat availability ki suvidha bhi start ki jisme koi bhi buses me available seats ko dekh sakta thha aur apne mutabik seats choose kar sakta thha. Iis concept se redbus booking me aur bhi jyada badhotri hui.

Conclusion-

Aur aaj redbus.in jis mukaam par hai wo tou sab jaante hai. Ab jara sochiye dosto wo kya idea thha aur aaj uus idea ne kya result diya! Kabhi koi soch hii nahi sakta thha ki kabhi bus tickets ke bookings bhi online available honge.

Actually inke paas ek wajah thhi ya phir kahiye ek junoon jispar inhone kaam karna start kiya. Aur sabse khaas baat ye hai ki inka intention problem solving skills par thha isliye itna bada successful business empire stand hua!

# Chaliye jaante hai Spanish business tycoon ke business success story ke baare me jinka naam hai Amancio Ortega READ HERE.

Sharing is caring!

Related Post

About Anirudh chaudhri

Hi anirudh here, the founder of www.anicow.com. You can reply me at ani123india@gmail.com! For more such news and daily updates Visit www.anicow.com. Happy reading!