Hindi Business Success Story- ‘Suchi Mukherjee’ की Business Journey

0
255

Aaj ke hindi business success story me main aapko jinse introduce karane jaa raha hu wo ek female entrepreneur hai jinka naam hai Suchi Mukherjee. Suchi ek leading e-commerce fashion marketplace ki founder hai jo internet par limeroad.com ke naam se register hai.

Aaj ke iis story ko maine e-magazine lifehack par padha thha, aur uuse yaha iis article ke jariye aapke saamne rakh raha hu. Jaise ki maine kaha limeroad.com ek ecommerce store hai jo 4 years se internet par maujud hai. Pehle ye online store female products and wears ke sath deal karti thhi lekin baad me ye male products ke sath bhi deal karne lagi hai like mens bollywood styles, scrapbooks, mens footwears, accessories, etc.

Sirf itna hii nahi pichle kuch time se ye home decor, kitchen and alag alag brands ke items bhi apne ecommerce store me include karne lagi hai. Tou chaliye aur jaante hai Suchi ke successful entrepreneur journey ke baare me.

Business success story in hindi- ‘Suchi mukherjee’

Suchi basically London school of economics se passout hai, aur unhone India se apne entrepreneur ki journey start ki hai. Entrepreneur journey se pehle wo Ebay.com and Gumtree.com jaise platforms par Executive ke taur par kaam kar chuki hai.

Kaise aaya idea limeroad.com ko start karne ka?

Limeroad.com ka idea unke paas tab aaya jab wo ek fashion magazine padh rahi thhi, aur aaj wo uus multi million dollar company ki founder and CEO hai.

Suchi ne jab limeroad.com company ko start kiya thha uun dino India me utne achhe high quality brands available nahi thhe. Isliye Suchi ek aise online brand ko taiyar karna chahti thii, jaha users sirf discounted products ke liye hii nahi aaye, balki unhe kuch naya aur fresh purchase karne ko milee.

Suchi ne uun dino kaafi market research kiya thha aur unhe tab pata chala thha ki Indian market [asia] me wo potentiality hai ki yaha par naye ecommerce revolution ko start kiya jaa sakee. Aur dekhiye naa aaj result aapke saamne hai, aaj India me kai new ecommerce brands available hai like flipkart, snapdeal, myntra, jabong, etc.

Yaha tak ki ebay and amazon jaise international companies bhi apni pehchan India me bana-ne me lage hai. Suchi ka sirf ek hii aim/motto thha ki wo apne users ko hamesha kuch fresh item show karana chahti hai isliye unhone phir apne ecommerce mobile application ‘limeroad app‘ ko build kiya. Ab users easily new styles and trends ko direct apne mobile me access kar paate thhe.

Suchi ke office ka word place-

E-magazine me Suchi ne apne business success story ko share karte hue apne office environment ke baare me kuch baatein share ki thhi. Limeroad ka office Gurugram [gurgaon] me hai. Suchi ne apne work place ko kaafi creative tarike se design kiya hai jo ek open environment me faila hai. Unhone apne work space ko open environment me isliye rakha hai taaki saare employees, team members and leaders openly ek dusre se communicate kar sake aur apne ideas share kar sake.

Suchi ke baare me kuch baatein-

Suchi ke business success story ke baare me jante hue chaliye ab kuch unke personal positive attitude ke baare me jaante hai. As a entrepreneur Suchi maanti hai ki ‘there is no shortcut to success’. Unka maan-na hai ki hume hamesha failures ke liye prepare rehna chahiye. Suchi apne children ke sath time spent karna bahut pasand karti hai aur apne work life ko isme involve nahi karti hai.

Suchi ke andar unki best quality hai ki wo ek good listener hai. Unka kehna hai ki naye ideas aur competition ke liye young minds ko listen karna bahut jaruri hai. Suchi team work me bahut believe karti hai. Wo apne company me around 460 employees ko lead karti hai aur har ek new mind ko apne ideas present karne ki opportunity deti hai.

Suchi new marketing strategy-

Limeroad me Suchi new vendors ko bhi involve kar rahi hai, taaki India me local areas tak bhi apne brand ko pahucha sake. Limeroad ke social shopping me khaas baat ye hai ki aap apne manpasand products ko apne social sites par share kar sakte hai. Iis marketing strategy se limeroad ke site visitors dhire dhire kaafi increase hue hai. Iske sath sath users ko apne choices dusro ke sath share karne ka mauka bhi mill raha hai.

Suchi aur limeroad ke baare me jyada jaan-ne ke liye aap iis video ko dekh sakte hai.

Final words-

Umeed karta hu aaj ka mera ye hindi business success story aapko pasand aaya hoga. Agar aapke paas bhi aisi koi success story hai tou aap hume 500 words me likh bhejiye. Pasand aane par uuse yaha aapke naam ke sath publish kiya jaayega.

Kya aap apne business success story ko humare sath share karna chahte hai? Apne business success story ko share karne ke liye hume likh bhejiye ani123india@gmail.com par!

Related Post