3 HINDI Business tips- नए business owners के लिए

September 26, 2016 | By Anirudh chaudhri | Filed in: Business Ideas.

Kya aapne just apna new business start kiya hai ya phir start karne ki soch rahe hai? Aaj ka mera ye article beginners or freshers ke liye hai jo business field me hai ya aane waale hai.

Yu tou hum ek naya business start kar lete hai, phir uske baad uus business ko maintain karne me thodi mushkile aati hai. Reasons bahut si hai like-

# mind ek jagah par steady nahi rehta

# market me adjust hone ke liye humare paas patience nahi rehta

# clients ya customers tak hum apni baat pahucha nahi paate [advertisement]

# experience ki kami ke kaaran kabhi kabhi hum customers and clients kho dete hai

# starting me agar koi loss ho jaaye tou hum ghabra jaate hai

# and many more…

Aaj ke beginners business tips me main aapko kuch aise tips dene wala hu jo aapko aapne business journey me bahut help karne wala hai. Ye tips unke liye bhi kaafi helpful rahenge jinhone abhi tak business start tou nahi kiya hai lekin plan kar rahe hai!

Fresher business tips- Hindi article cum suggestions

Ek time pe sirf ek par focus karo – A great business strategy

Aaj kal ke naye youngsters har gap me opportunity dhundte hai. Hota ye hai ki hum already ek project par kaam kar rahe hote hai lekin jaha naya contract milta hai hum apne purane clients ke project ko adjust karne me lag jaate hai aur phir uus naye opportunity ki taraf bhagte hai.

Lekin har business ka ek rule hota hai and wo hai full customer satisfaction. Ab jab hum naye client ko samajhne me lage hue hote hai tou puraane clients ke liye adjustment hii ek tarika reh jata hai, jo ki galat hai. Kyuki iss se humara concentration bigad jata hai and creativity par effect padta hai.

For example jyadatar ye dekha gaya hai ki jo naye naye business start karte hai wo pehla order puraa karne se pehle hii bahut saare multiple orders le lete hai. Phir wo thik se focus nahi kar paate hai and pehle ke sath sath saare orders ko adjust karne me lag jaate hai.

Aur isi adjustment me wo average service dete hai aur as a result clients ko satisfy nahi kar paate hai. Ye business strategy galat hai and jo iis line me beginners hote hai ye unme kaafi dekha gaya hai.

Isliye ek successful business development ke liye power of focus bahut jaruri hai kyuki business me focus se humare paas 2 cheeze automatically develop hoti hai and wo hai-

  • creativity
  • productivity

Aur ye 2 cheeze hii faisla karti hai ki aap ek normal businessman hai ya phir ek professional entrepreneur!

Aap wahi kijiye jo aap jaante hai and aap jisme expert hai – Take your business seriously

Jyadatar hume sunn ne ko milta hai ki jo aapko pasand aaye aap wahi kijiye ya phir aapka jis cheez me sabse jyada interest ho aap usi field ko choose kijiye.

Lekin business ko career choose karne ka option nahi hai ya phir koi trail session nahi hai. Isme aaka finance laga hai, aapka business plan laga hai, aapko strategy lagi hai, aapke dreams lage hai; tab jaa kar aapne apna ye business stand kiya hai.

Aap jis market me business karne utarte hai waha par aapka choice nahi chalega balki ye dekha jaayega ki aap apne field me kitne expert hai.

Chaliye ek example se aapko samjhata hu. Ab sochiye aap computer servicing me expert hai and aapke locality me aap se achha aur koi nahi hai. Lekin aapko computer servicing me koi interest nahi hai balki aap ek computer school kholna chahte hai. Aapki soch thodi hat ke hai!

Jabki aap computer sales and servicing se monthly Rs.45000/- tak ka income kar sakte hai, jaha par computer school se aapko monthly Rs.20000/- tak hii aa sakta hai. Aur ye prediction nahi balki aapka market research bol raha hai.

Lekin aapko yaha thoda professionally sochna hoga. Pehli baat tou ye ki business ideas dono hii achhe hai ek computer servicing ka and ek computer teaching ka! Ab aisi halat me sirf teaching ko choose karna kyuki wo aapko achha lagta hai ye ek entrepreneurship ki pehchan nahi hogi. Jabki aap agar computer servicing ke field me jaate hai tou aap coming 1 year me ek professional entrepreneur ban sakte hai.

Dekhiye ek professional businessman ko kuch emotions and personal choices ka sacrifice dena padta hai and practically sochna padta hai. Kyuki main maanta hu ki aap aaj jo opportunity kho denge kal uus opportunity ko koi aur le jaayega. Time and opportunity kisi ke liye rukta nahi hai aur business field me tou bilkul hii nahi. Tou iis stage me kyu naa thoda professionally socha jaaye!

1. aap dono ko ek sath tou standby mode par nahi rakh sakte kyuki iss se dono plans hii hamper honge

2. aap start kijiye computer servicing se aur 1 saal me jab aap well establish ho jaayenge tou phir computer school ke baare me sochna

3. jab aap market me computer servicing start kar denge tou pata hai kya hoga [shayad aapko koi bada institute hii offer kar de classes ke liye kyuki aapke locality me aapse achha aur koi iis field me professional nahi hai]

4. jab aap market me servicing ke liye jaayenge tou aapko students milna automatically suru ho jaayega [jaha agar aap ek school kholne ke baare me sochte tou aapko advertisement alag se karna padta]

# Ye jo example maine aapko bataya hai ye example khud mera hai, isliye itna confidently keh raha hu.

Learn, learn and learn

Ek professional businessman apne ego ko pasine ke sath baha deta hai. Ye ego hii hai jo hume loss ke time par practically sochne nahi deta aur hum escape nahi kar paate.

Ek professional business man wahi hai jo apne loss se itna kuch sikhta hai ki wo uus par ek book bhi launch kar sakta hai.

“apne losses se sikhiye aur unhe profits me convert kijiye tabhi aap professional business man kehlaayenge”

Final words

Umeed karta hu ki aaj ke mere fresher business tips and strategies aapko professionally sochne me majboor karenge. Isliye pehle aap strong baniye, tabhi aap society ke liye kuch kar paayenge.

# Business strategy kaise aur kyu READ HERE

Related Post


Comments are closed here.