Mutual fund in hindi – Mutual fund क्या होता है? Mutual fund kya hai?

October 12, 2017 | By Anirudh chaudhri | Filed in: Business ideas.

Mutual fund in hindi – Chaliye aaj jaante hai mutual fund kya hota hai? Hum aapko yaha aaj batane waale hai mutual fund kya hai; uske kuch basic jaankari, alag alag investment sectors, mutual fund manager, aur iske sath kuch popular Indian mutual fund platforms jaha se aap mutual funds le sakte hai.

Aksar hum mutual fund investment ke baare me jab bhi sunte hai tou darr jaate hai!

  • Aree baap re ye tou juwa hai
  • Issme gharbar bik jata hai
  • Isme investment nahi karna chahiye
  • etc. etc.

Dekhiye dosto ye sab suna-suni baatein hai! Risk har cheez me hota hai; bas hume ek baat ko dhyan me rakhna hai aur wo hai > “अति बिगाड़े मति”| Hum har cheez me ati karte hai aur phir nuksan bhugatna padta hai. Isliye risk se dariye mat, लोभ से डरिए|

Mutual fund se judee kuch buniyadi baate hai jinhe jaan lene ke baad aap bhi mutual fund investment ke baare me interest lene lagenge.

Aaj iss article ko padhne ke baad shayad mutual funds ke baare me aapke jo basic queries hai wo shayad solve ho jaayenge.

Tou chaliye jaante hai “mutual fund in hindi”|

What is Mutual fund? Mutual fund in hindi-

Chaliye main aapko ekdum simple example ke sath samjhata hu ki mutual fund kya hota hai? Mutual fund simply ek investment process hai like Fixed deposit, MIS, PPF, etc.

Mutual fund me ek shabd aata hai aur wo hai ‘fund’. Yaha fund ka matlab for example ek ‘box’ maan lijiye!

Ab iss box me aap aur aapke 3 friends kuch paise rakhte hai. Yaha aap aur aapke 3 friends investors kehlaate hai.

Ab iss box ko ek ‘fund manager’ manage karne wala hai. Ye fund manager uus box ki dekh rekh karega.

Ab uus box se ‘fund manager’ aap chaaro ke paise ko alag alag jagah invest karega [mutually in ratio]. Ab uus investment se jo return profit milega wo phir aap aur aapke 3 friends ke beech me batega.

Ab aapke dimag me 2 khayal aa rahe honge-

  • Pehla ki fund manager kaun hai
  • Aur wo paiso ko alag-alag kaun se jagaho me lagayega

Who is Fund manager in mutual fund? Mutual fund in hindi-

Ye wo person hai jo alag alag market ke sath tally karta hai like stocks, bonds, company shares, assets, etc. Fund manager ka kaam hota hai ek mutual fund ke paise ko equal ratio me alag alag jagah invest karna taaki return profit milee.

Mutual fund me ek fund manager ki bahut aham bhoomika rehti hai. Wo alag alag strategies apply karta hai, fund ke portfolios maintain karta hai; taaki jyada se jyada profit milee.

Ek mutual fund company ya phir Asset management company me ek ya phir 2 ya phir 2 se jyada fund managers ho sakte hai. Ye alag alag depend karta hai.

Ek fund manager ban-ne ke liye high level of educational aur professional background ki jarurat padti hai like MBA with finance, Charter accountant, etc.

Fund manager humare paise kaha-kaha invest karta hai?

Jaise ki maine kaha ki fund manager puree market ko tally karta hai aur alag alag jagah mutual fund ke paise ko ratio wise invest karta hai. Ab ya alag alag sectors bahut se hai like-

# Public sectors

# Private sector

# Pharma

# Construction

# IT

# Agriculture, fertilizers

# Construction, manufacturing industries

Tou ye thha mutual funds ke baare me basic outline guide! Chaliye ab kuch popular Indian mutual fund platforms ke baare me jaante hai.

Popular mutual fund platforms-

# SBI mutual funds – visit here

# ICICI mutual funds – visit here

# Reliance mutual funds – visit here

# HDFC mutual funds – visit here

# Axis mutual funds – visit here

Final words-

Tou ye thhi mutual funds ke baare me primary aur basic jaankari. Umeed karta hu ki ek chhote se example ke sath aapke saamne mutual fund ke concept ko rakh paya hu. Aise aur bhi business articles padhne ke liye visit again www.anicow.com!

ध्यान रहे म्यूच्यूअल फण्ड पूरी तरह से मार्किट नियंत्रण करता है इसलिए इन्वेस्टमेंट से पहले पूरी जानकारी ले|

# Kya aapko pata hai credit card ke inn alag alag charges ke baare me – read here

Sharing is caring!

Related Post


Comments are closed here.