Small Business Ideas Hindi – Best live Examples जो काफी popular हुए

Small business ideas hindi – Hi dosto, aaj main aapko kuch aise small business ideas aur companies ke baare me batane wala hu jo apne field me kaafi famous aur successful hue hai. Dekhiye dosto har roz lakho small businesses khul rahe hai, wo bhi alag-alag field se related. Koi offline khol raha hai tou koi online!

Main aaj aapko yaha jin small businesses ke models batane jaa raha hu wo bhi unhi laakho me se ek thhe, lekin thode hatt ke thhe. Isi wajah se aaj wo apne local areas ke sath sath puree duniye me famous hai.

Ye business models internet par maujud “entrepreneur magazine” par bhi listed ho chuke hai. Umeed karta hu ki inn small business ke examples se aapko kuch ideas milenge.

Main aapko unn business examples ke sath sath unke official websites ke links bhi dene wala hu jis se aapko aur bhi clear idea milee.

Tou chaliye dosto suru karte hai!

Small business ideas hindi – Live business model examples

Stitch Fix

Katrina l@1x
Katrina Lake

Stitch fix company ko found kiya hai ‘Katrina Lake’ ne. Ye bada hii creative ecommerce store hai.

Achha aap shirt silwane ke liye sabse pehle kapda kharidte hai, phir tailor ke paas jaate hai. Wo aapke body ka measurement leta hai. Then wo uus kapde ko shirt ka roop deta hai.

Stitch fix bhi kuch aisa hii karta hai par puraa process aapke ghar tak pachuchata hai. Aapko kahi jaane ki jarurat nahi hai.

  1. Sabse pehle aap unke site par sign in karte hai
  2. Phir apne style, size aur body measurement ke baare me batate hai
  3. Phir Stitch-fix aapke choice ke anusaar aapko 5 items aapke ghar tak deliver karta hai like shirt, trouser, etc.
  4. Ab aapko jo pasand aata hai aap uuse apne paas rakhte hai aur unhi ke paise pay karte hai

Hai naa gajab ka ecommerce business! Stitch-fix me sabse unique baat ye hai ki yaha aapko sab kuch stylish, branded aur new trend ke anusaar milega.

Stitch fix ke founder ‘Katrina’ ne yaha sab kuch branded rakha hai aur wo apne har ek customer ka dhyan rakhti hai. Waise tou ye ek small business model hai lekin kaafi large area tak ye failaa hua hai.

Warby Parker

warby parker store

Ye ek eye glasses store hai, lekin thoda hatke. Sabse pehli baat ki ye offcie kaafi attractive aur luxurious banaya gaya hai, jaha alag alag departments hai like eye checking, prescription, frame section, design section.

Dusri unique baat iss small business me ye hai ki ye company aapko eye glasses provide karane ke liye aapke ghar tak jayegi aur wo bhi 5 alag alag frames ke sath. Aapke ghar me inke representative pahuchenge. Aapka eye test hoga. Aapko 5 frames choose karne ko diya jaayega.

Sabse khaas baat ye ki aapko 5 frames diye jaayenge aur wo bhi 5 days ke liye. Aap inhe 5 dino tak free me use kar sakte hai. Use karne ke baad aap apna choice company ko batayenge. Phir company aapko service provide karegi.

Ab koi company agar kisi customer ko itna creative aur unique facility degi, tou uuse tou raato-raat popular hona hai. Aur thik aisa hii hua! Aaj Warby parker ek leading small business hub hai.

Iss company ka main funda ye hai ki ye apne customer ke choice ka khayal rakhti hai, phir uske satisfaction ka anusaar uuse service provide karti hai. Phir sab kuch hone ke baad wo customer se charges leti hai!

Zady

Soraya Darabi
Soraya Darabi

Ye ek mini ecommerce store hai jo USA me based hai. Waise aapko tou pata hoga free shipping ke baare me! Iska matlab hota hai ki aap jo kuch bhi online purchase karenge tou aapko free me ship karaya jaayega yaani aap tak free me pahuchaya jaayega. Koi delivery ya mail charges nahi lagenge.

Lekin kuch kuch companies ek fixed rate rakhti hai. Agar aap uus fixed rate ka samaan kharidte hai tab jaakar aapko free shipping milti hai. Varna uus fixed rate se below ka saamaan kharidne par aapko shipping charges pay karna padta hai.

Lekiin ye company “Zady” sab kuch free me shipping karati hai, aur uske sath sath return bhi free me karati hai. Aur aap ye roz kar sakte hai, aapka jab mann kare, jitni baar mann kare. Aapko koi item agar pasand nahi aaye tou aap jitni baar chahe utni baar return kar sakte hai.

Dusri khaas baad iss company me ye hai ki aapko yaha sab kuch branded aur hand-crafted milega. Iss company ki founder hai Soraya Darabi.

Iss ecommerce store me aapko har ek cheez unicque aur creative milega.


Conclusion-

Dekhiye aaj maine jin small business ke examples diye hai ye saare small scale par tou hai lekin apne field me khub famous hai. Reason sirf ek hai, unique ideas. Har ek company apne customers ka khyaal rakhti hai, aur uuse pehla priority deti hai.

Aaj ke small business ideas hindi me sirf itna hii. Aise aur bhi small businesses ke examples main aapko aage bhi iss blog me dete rahunga.

Agar aapko ye article pasand aaya ho tou ise share jarur kare!

# Businessman success story in hindi – Amancio Ortega – Read here