Xender App vs. ShareIt App – Kaun sa hai better? Full review

Xender app vs. Shareit app – Shayad aap xender aur shareit, dono ke baare me jaante honge. Dono apps hii file sharing karne ke kaam aata hai. Jab se aise file sharing apps market me launch hue hai tab se file transfer karna chutkiyo ka kaam ho gaya hai.

Waise dono hii (xender app and shareit app) apne apne jagah me perfect hai, aur market me trending bhi hai. Jab bhi file transfer/sharing ki baat aati hai tou inn dono apps ka naam hii saamne aata hai.

Lekin technology bahut advanced ho gayi hai. Itni advanced ki ab log seconds me nahi balki millisecond me result chahte hai.

Tou chaliye aaj inn dono apps ko compare kar ke dekhte hai, dono me se kaun sa better hai? Hum yaha speed, performance aur features; har ek cheez compare karenge, taaki aapko decision lene me asaani ho!

xender app vs shareit app - hindi review comparison
xender app vs shareit app – hindi review comparison

Xender App vs. ShareIt App – Hindi review and comparison

File transfer speed-

Chaliye transfer speed se suru karte hai. Aajkal speed sabse jyada important ho gaya hai. Log speed ke liye kuch bhi pay karne ko taiyaar hai. Agar file transfer/sharing speed ki baat ki jaaye tou shareit app ye dawa karti hai ki wo 20 mb/s ki speed deti hai. Jaha xender app 40 mb/s ki speed deti hai.

Fact-

Asal me fact ye hai ki transfer/sharing speed bahut se factors par depend karti hai like-

  • WiFi interference
  • Mobile device ki read-write speed
  • Distance between nodes

Cross sharing features-

Cross sharing se matlab hai alag alag operating systems me file transfer/sharing like Android to iOS, Windows to iOS, Android to Windows, etc.

Iss mamle me dono apps hii barabar hai!

 

File format support-

Chaliye ab dekhte hai ki dono apps kaun kaun se file formats support karte hai.

Waise tou dono apps hii alag alag types ke files support karte hai like documents, music files, videos, pictures, apps, zip files.

Lekin xender app kuch extra file formats support karta hai like .txt, .ebk, .apk, .ppt, .doc, .epub, etc.

 

Ek sath kitne multiple sharing-

Agar multiple batch sharing ki baat ki jaaye tou Xender app ek sath 4 devices me allow karti hai. Matlab aap xender me ek sath 4 alag alag devices me file transfer/share kar sakte hai.

Jaha Shareit app me aisa koi limit nahi hai! Tou iss mamle me shareit aage hai.

 

Interface, homescreen, dashboard-

Interface matlab wo homescreen jaha se hum files share/transfer karte hai ya receive karte hai. Iss maamle me xender ka interface kaafi beautiful aur clear hai. Aapko waha alag alag categories clear nazar aayenge like photos, apps, music; jinhe aap easily share/transfer bhi kar sakte hai.

Jaha dusri taraf Shareit app me ye interface utna clear nahi hai. Aur iske sath sath aapko homepage me ads bhi nazar aayenge!

 

Folder transfer-

Ab sochiye aapke paas ek folder hai jisme saare bollywood songs hai! Aap uus complete folder ko transfer karna chahte hai. Shareit app me khaas baat ye hai ki aap ek folder ko select karke direct transfer/share kar sakte hai.

Jaha xender me aapko uus folder ke har ek file ko alag se select karke transfer/share karna padega. Ye feature kaafi unique hai!

 

Hide files-

Xender me ek khaas baat ye hai ki aap jin files ko homescreen me dikhana nahi chahte hai, unhe aap hide kar sakte hai. Bas aapko app me hidden file feature ko ‘on’ karna hai. Then aap Xender ke homescreen me jaakar jis file ko hide karna chahte hai uus par ‘tap’ kare aur ‘hide’ ko select kare!

 

Large file transfer and battery saving-

Shareit app large files ko jaldi transfer karta hai. Iska sidha sidha matlab hai ki aap apne device ke battery power ko save kar payenge.

Jabki xender large files ko jaldi transfer nahi kar pata, matlab battery jyada consume karega.

 

PC transfer-

Jab files computer aur mobile ke beech sharing/transfer karna hai tou Shareit ye jhat se kar deta hai. Jaha dusri taraf xender app me aapko ‘xender web’ ka sahara lena padta hai.

 

Google play comparison-

Google play app store me shareit ko 4.6 ki rating mili hai jaha xender ko 4.4 ki rating di gayi hai.

Shareit ko ab tak 500 million download mile hai jaha xender app ko 100 million download mile hai.


 

Hope aaj ke iss review se aapko ye samajhne me asaani hogi ki dono me se better kaun sa hai aur kiske kitne features hai!

 

# Best backup apps for android – Download here

# Juice diet app, best juice recipes for healthy body – Download here